PROJECTNAME=""
FINALPATH=~/proxectos/$PROJECTNAME
composer create-project symfony/framework-standard-edition $FINALPATH
cd FINALPATH/web && sudo mkvhost


Actualización

Xa está o código no meu repo de cutrescripts de github: sf2init. A gracia do asunto é que agora cun simple:

sf2init proxectrr.dev

xa tes o sf2 standard edition baixado na carpeta ~/proxectos, cos permisos do app/cache e app/log corrixidos e un virtualhost creado ao que se pode acceder mediante http://proxectrr.dev.

O código non é perfecto, está feito para que funcione no meu portátil (ubuntu), pero pódese adaptar a outros entornos e distribucións con facilidade.

• Aprender Symfony2, HTML5, CSS3, backbone.js:
  • Symfony2: aprendido. Sobre todo grazas ao fantástico libro de Javier Eguiluz Desarrollo web ágil con Symfony2. Moi recomendable. Contribuín cun par de aclaracións sobre algún punto que non estaba claro e iso meteume nos agradecementos do libro. Por desgracia non cheguei poñelo en práctica profesionalmente (ver máis abaixo sobre o cambio de traballo).
  • HTML5, CSS3, backbone.js

  Digamos que o HTML5 e o CSS3 son un work in progress, mentres que co backbone.js acabei adaptando o exemplo de lista de todos para poder telo nun servidor privado accesible dende o móbil.

• Tentar pasar a certificación de Zend PHP (polo menos estudala, que hai varias guías de estudo por aí): só cheguei estudala, o cambio de traballo forzoume a poñerme ao día con outras cousas.
• Chegar aos 4 minutos en apnea estática no sofá (a temporada pasada cheguei aos 3 minutos 32 segundos): estou estancado en 3 minutos 30 segundos e a piques de abandonar calquera tentativa. Levo 6 meses cos pólipos empeorando e non ten pinta de que poida volver baixar ao azul en moito tempo.
• Baixar ata -15m en apnea (a temporada pasada foron -12m): imposible, tal e como teño os pólipos non podo compensar correctamente, o mesmo otorrino recomendoume que non baixase máis de 2m :-(
• Superar os 50m en apnea dinámica (a temporada pasada só cheguei un par de veces até os 50m, e con moito esforzo): abandonado completamente, a motivación principal para chegar aos 50m en dinámica era poder aproveitar os entrenos para baixar no azul.
• Baixar a 75kg de peso (actualmente estou en 85kg): estou en torno aos 85kg… dependendo do que saia a correr baixo ata os 80kg pero á que deixo un par de semanas de facer tiradas largas recupero peso de seguida (cústame facer dietas :-D).
• Non volver fumar (actualmente non fumo, pero é un vicio que vai e vén): conseguido :-D

Este ano pasaron varias cousas:

• Cambio de traballo: deixei yaencontre.com para marchar a unha «axencia de comunicación dixital» centrada principalmente no comercio electrónico. Este é o principal motivo de que deixase de banda o Symfony2 e a certificación Zend. Traballamos principalmente con Magento inda que temos proxectos de todo tipo (webs con wordpress, joomla, incluso algo hai por aí montado con ASP).
• Cambios de saúde: os pólipos do nariz comezan a ser molestos, non me deixan respirar con normalidade, non descanso tan ben coma antes e non podo entrenar coa mesma intensidade que o facía antes.

Con todo, este ano preséntase prometedor, o novo traballo implica novos e interesantes desafíos e estou convencido de que unha vez pase polo quirófano poderei volver entrenar en condicións.

• Aprender Symfony2, HTML5, CSS3, backbone.js
• Tentar pasar a certificación de Zend PHP (polo menos estudala, que hai varias guías de estudo por aí)
• Chegar aos 4 minutos en apnea estática no sofá (a temporada pasada cheguei aos 3 minutos 32 segundos)
• Baixar ata -15m en apnea (a temporada pasada foron -12m)
• Superar os 50m en apnea dinámica (a temporada pasada só cheguei un par de veces até os 50m, e con moito esforzo)
• Baixar a 75kg de peso (actualmente estou en 85kg)
• Non volver fumar (actualmente non fumo, pero é un vicio que vai e vén)

Xa veremos a final de ano en qué quedou todo :-D

Nestes anos de silencio pasaron algunhas cousas moi interesantes na miña vida:

• cambiei de traballo, levo uns tres case catro anos programando a tempo completo;
• cambiei de afición, no último ano deixei de banda os papaventos, agora aproveito o tempo libre para entrenar a apnea e saír a practicar a pesca submarina;
• naceu a miña filla :-D

A Nirvana STD xa non é tan estándar, cambiáralle as variñas hai uns meses por Icone branco, aínda que lle mantiven a brida estándar. Cun vento suaveciño, lixeiramente racheado e liñas de 40m e 55kg, comecei a sesión notando o moito que «pesa» nas mans a Nirvana coa brida estándar. Inda así, semella máis controlable á hora de tentar facer figuras de precisión, a rutina de sempre: liña recta arriba, curva para abaixo, xiro 90 graos entrando en voo horizontal, algún cadrado, algún rombo, un infinito con ángulos rectos.

O vento acompañaba, o papaventos deixábase así que me animei a tentar o truco que me estaba a fallar este último mes: o rolling suzan. Pasada horizontal, e un rolling suzan. Case no sitio… vaia sorriso que se me puxo :-D. Pasada horizontal no outro sentido e outro rolling suzan. No sitio (sempre me saen mellor indo para a dereita). Xa que estamos, pasada horizontal, e un rolling, e dous rollings, e tres rollings. O sorriso xa é de orella a orella. De volta, no outro sentido, o mesmo… menos mal que no campo de fútbol abandonado estou eu só, a xente pensaría que estou tolo se me oe rir ;-).

Foi todo un redescubrimento o da brida estándar. Estaba moi afeito xa á brida do Roger Tessa Gambasi, que tira menos dun, pero tamén é máis aberta e ten un tacto diferente.

A guinda do día foi atoparme que con esta brida os Taz Machines me saen e coa outra non. O dito, pasei a tarde facendo rolling, rollings, rollings… para arriba, para abaixo, en horizontal en diagonal… unha tarde xenial.

Hai dúas semanas este home sacou un disco. A data de hoxe, se un busca «raúl araya» en Google, a miña páxina sae antes cá súa (qué cousas ten Google :P). Iso fixo que nestas dúas semanas xa teña uns cantos comentarios felicitándome polo meu novo disco. Grazas, pero son son eu. As felicitacións teñen que ir a http://www.raularaya.com.

Non sei se lle estou facendo un favor ao webmaster do cantante, espero que si, prefiro non ter que continuar borrando comentarios de fans confusas :P.

• CSSViewer,
• del.icio.us,
• DOM Inspector,
• Dummy Lipsum,
• Html Validator,
• IE Tab,
• Live HTTP Headers,
• Web Developer.

• DI 3 circle over diamonds
• DI 9 octagon
• DI 11 split figure eight
• DI 14 register
• DI 15 LSI
• DI 18 square cuts

Son as figuras para a temporada 2007 do ISKCB. Como está tirado do foro de bilboquet, supoño que será para as competicións francesas… e non sei se os de STACK España farán algo este ano… de momento parece que non respiran.