Este ano non poderei volver por Galiza … así que decidín aproveitar o tempo de vacacións para darlle unha volta á páxina.

Nestes anos de silencio pasaron algunhas cousas moi interesantes na miña vida:

• cambiei de traballo, levo uns tres case catro anos programando a tempo completo;
• cambiei de afición, no último ano deixei de banda os papaventos, agora aproveito o tempo libre para entrenar a apnea e saír a practicar a pesca submarina;
• naceu a miña filla :-D

Se buscades a Raúl Araya Aguilar, pasade por aquí: http://www.raularaya.com.

Hai dúas semanas este home sacou un disco. A data de hoxe, se un busca «raúl araya» en Google, a miña páxina sae antes cá súa (qué cousas ten Google :P). Iso fixo que nestas dúas semanas xa teña uns cantos comentarios felicitándome polo meu novo disco. Grazas, pero son son eu. As felicitacións teñen que ir a http://www.raularaya.com.

Non sei se lle estou facendo un favor ao webmaster do cantante, espero que si, prefiro non ter que continuar borrando comentarios de fans confusas :P.

Pois eso… estaba facendo un repaso dos textos que vou publicando, xunto coa miña lista de marcadores de Internet, e decateime de que son un desorganizado, de que as categorías da miña bitácora poderían estar mellor, así que vou cambiar todo esto un pouco, cando acabe de repasa-los posts que teño por aquí.

Hoxe estreo novo deseño. Como se ve, trátase do clásico deseño de tres columnas cun banner superior.

O deseño está feito con CSS2, e pode ser que algún navegador non amose o banner, qué lle imos facer, actualizarse ou morrer, que din noutros blogs.

O que me gusta de usa-las follas de estilo é que non é necesario empregar táboas e táboas para conseguir unha boa distribución.

Fáltanlle unhas cantas cousas por retocar aínda, pero xa irei facendo:

• incorpora-lo deseño ós comentarios,
• probalo en diferentes navegadores (de momento, probeino co Konqueror, co Firebird e co Explorer),
• comprobar que a folla de estilo é estándar (o validador css do w3c parece non funcionar).

Enjoy ;-)

Acabaron as vacacións e xa estou aquí, de volta na uni, hoxe teño o día medio tonto, pasei a mañá revisando a configuración do servidor linux e repasando os traballos que quedaron a medio rematar antes de marchar de vacacións. Se os luns xa son difíciles, este éo algo máis.
Estes días Vilafranca celebra (aínda hoxe) a súa festa maior. En festamajor.info pódense ve-los programas das últimas festas de Vilafranca del Penedès. Tentarei buscar algunha páxina web con máis imaxes da festa maior, porque paga a pena velas.

Acabo de poñer ó día os enlaces dos blogs que máis visito. Había uns cantos que xa non visitaba con tanta frecuencia.

Agora comezo a pensar se debería comezar o meu propio script en php para leva-lo meu blog ou se debería darlle unha oportunidade ó movable type. Creo que o mellor será que me dedique a ver qué podo facer co php, inda que vaia algo lento, terei no meu propio script as cousas como a min me gustan :-D.

O traslado ó novo servidor funcionou sen problemas. A ver se estes días teño máis tempo de ir publicando cousas.

Estou probando a ver se todo vai ben no novo servidor. Parece que fixen ben o traslado. Non se perderon datos, e o b2 segue a funcionar :P.

Mañá marcho a casa… a Galicia. Collerei o tren o sábado na tarde e chegarei o domingo. Levarei comigo o meu ordenador. O outro día atopei unha foto da miña caixa. Como podedes comprobar, é unha monada ;-). É moi probable que durante eses días non escriba moito por aquí… felices vacacións a todos.

Estiven mirando os estilos e o deseño que emprega o Movable Type, e fixen unha proba de deseño alternativo, a base de follas de estilo.

Seguir lendo →