www.nubeiro.com

Esta fin de semana aproveitamos a tarde do domingo para achegarnos a Vilanova. Non había moito vento, o xusto para facer voar a Over con liñas moi lixeiras e adiantada ao máximo. Por fin lle collín o truco ao backspin con este papaventos. Estaba demasiado afeito á X-Masque Rage, que con nada que lle dás xa se pon a xirar.

Coa Over cómpre deixar subir un pouco o nariz… é un problema similar ao que tiña para sacar o lazy susan, neste tipo de figuras este papaventos necesita máis inclinación, hai que darlle un chisco máis de liña… e entón comezar a facelo xirar. Agora só me falta probar as cascadas de backspins