www.nubeiro.com

Esta tarde foi unha daquelas para lembrar… ía decidido a probar as miñas últimas adquisicións, a Krystal WW e a Nirvana WW. Pero o vento non acompañou, era demasiado forte para estes dous papaventos, así que da bolsa saíron primeiro a Nirvana STD e logo a Nirvana LW.

A Nirvana STD xa non é tan estándar, cambiáralle as variñas hai uns meses por Icone branco, aínda que lle mantiven a brida estándar. Cun vento suaveciño, lixeiramente racheado e liñas de 40m e 55kg, comecei a sesión notando o moito que “pesa” nas mans a Nirvana coa brida estándar. Inda así, semella máis controlable á hora de tentar facer figuras de precisión, a rutina de sempre: liña recta arriba, curva para abaixo, xiro 90 graos entrando en voo horizontal, algún cadrado, algún rombo, un infinito con ángulos rectos.

O vento acompañaba, o papaventos deixábase así que me animei a tentar o truco que me estaba a fallar este último mes: o rolling suzan. Pasada horizontal, e un rolling suzan. Case no sitio… vaia sorriso que se me puxo . Pasada horizontal no outro sentido e outro rolling suzan. No sitio (sempre me saen mellor indo para a dereita). Xa que estamos, pasada horizontal, e un rolling, e dous rollings, e tres rollings. O sorriso xa é de orella a orella. De volta, no outro sentido, o mesmo… menos mal que no campo de fútbol abandonado estou eu só, a xente pensaría que estou tolo se me oe rir .

Foi todo un redescubrimento o da brida estándar. Estaba moi afeito xa á brida do Roger Tessa Gambasi, que tira menos dun, pero tamén é máis aberta e ten un tacto diferente.

A guinda do día foi atoparme que con esta brida os Taz Machines me saen e coa outra non. O dito, pasei a tarde facendo rolling, rollings, rollings… para arriba, para abaixo, en horizontal en diagonal… unha tarde xenial.

Se buscades a Raúl Araya Aguilar, pasade por aquí: http://www.raularaya.com.

Hai dúas semanas este home sacou un disco. A data de hoxe, se un busca “raúl araya” en Google, a miña páxina sae antes cá súa (qué cousas ten Google ). Iso fixo que nestas dúas semanas xa teña uns cantos comentarios felicitándome polo meu novo disco. Grazas, pero son son eu. As felicitacións teñen que ir a http://www.raularaya.com.

Non sei se lle estou facendo un favor ao webmaster do cantante, espero que si, prefiro non ter que continuar borrando comentarios de fans confusas .

Velaí unha listiña das extensións que estou a usar en Firefox:

• CSSViewer,
• del.icio.us,
• DOM Inspector,
• Dummy Lipsum,
• Html Validator,
• IE Tab,
• Live HTTP Headers,
• Web Developer.

Tirado dos foros de bilboquet:

• DI 3 circle over diamonds
• DI 9 octagon
• DI 11 split figure eight
• DI 14 register
• DI 15 LSI
• DI 18 square cuts

Son as figuras para a temporada 2007 do ISKCB. Como está tirado do foro de bilboquet, supoño que será para as competicións francesas… e non sei se os de STACK España farán algo este ano… de momento parece que non respiran.

Para eses días con moi pouco vento:

Xa levo un mes con ela e estou encantado. Grazas a ela nos días de pouco vento tamén podo pilotar. Hoxe foi un deses días… sorprendentemente acabei facendo o 540 con ela… algo que non me saía dende había tempo.

En Bulma teñen un bo artigo: Pasar el formato WMA a MP3. É un truco rápido e sinxelo… algo que necesitaba para pasar unha musiquiña ao móbil . Funciona con WMA e WMV.

Ben, para moitos non é ningunha nova, pero non o publicara aquí… son membro do equipo de papaventos Xaloc. O equipo está patrocinado pola marca Eolo e pola tenda de papaventos Ventilador. Grazas ao equipo estou aprendendo moito, e coñecendo aínda a máis xente coa que compartir esta afición. Unha vez ao mes a tenda organiza voadas na praia de Castelldefels e alí aprendémoslle a todo aquel que se deixa nunha escola de voo.